A Casa do Peixe é o Centro Social Autoxestionado do Sar, na cidade de Compostela, onde colectivamente creamos un espazo aberto para os movementos sociais e para a cultura e o lecer alternativos.
O funcionamento do centro social é asembleario e autoxestionado: o espazo organízase mediante unha asemblea aberta na que participan os diferentes colectivos da casa e as persoas que acuden a título individual. Así mesmo, as actividades deberán ser abertas, non lucrativas e ter unha finalidade social.
O casa manténse a través das doacións que recibe da xente que participa e fai uso dela, necesarias para a mellora e mantemento do espazo, así como para financiar tódalas actividades e eventos que se realizan nela.
Se queres organizar algunha actividade, charla, evento, concerto… achégate pola asemblea calquera luns ás 20.30h ou escríbenos a csadosar@gmail.com
Animádevos a participar na construción dun espazo de todes para todes!
A Casa do Peixe 