Magosto da X.A de benvida ao C.S.A. do Sar

10658556_371055873057625_2375123676029678490_o

Este vindeiro Sábado 15 de Novembro, chega o Magosto da X.A. ( Xuntanza Antiprohibicionista ) dun xeito especial xa que é o primeiro evento que organiza no CSA do SAR. Así que ven cargado de actividades:

Ás 17:00 h charlas:
– Educando no Lezer, unha experiencia de Redución de Riscos nos Espaços de festa
– Historia e Situación actual do Cánabo Industrial

ás 20:00 h festa:

– Reggae Jam con músicos do local de ensaio do CSA do Sar e +
– Dub-Reggae Sound System con MaisLume Kolektive

+info:
http://xuntanzaantiprohibicionista.wordpress.com/2014/11/08/magosto-da-xa-de-benvida-ao-csa-do-sar/

6 de novembro: Manifestación das Marchas da Dignidade

http://marchasdadignidade.blogspot.com/2014/11/xoves-dia-6-de-novembro-manifestacion.html?utm_source=twitterfeed&utm_medium=facebook

En Compostela a manifestación a prol da campaña “ocupemos o obradoiro. o 29N, eu vou” sairá ás 20.00 dende Porta do Camiño

10356399_365683716928174_8082064624477574257_n

Este Sábado 25, Magosto Solidario de Stop Desafiuzamentos Compostela, no CSA do Sar!

MAGOSTO SOLIDARIO STOPEste Sábado 25, Stop Desafiuzamentos Compostela celebraremos o Magosto Solidario no CSA do Sar!! Comezaremos ás 17.00 e ao longo da tarde troulearemos coa foliada e as castañas na hortiña do centro social. A partir das 21.00h teremos Timba Poétika e micro aberto e petiscos . Estades tod@s convidad@s!!

Este magosto dará comezo a unha campaña que procurará por unha banda conseguir financiar os gastos derivados da actividade de Stop Desafiuzamentos así como facer un peto para asumir posibles multas polo desafiuzamento de Aríns o pasado 19 de Setembro.
Stop Desafiuzamentos non recibe nin acepta axudas de entidades alleas e por iso autofinanciámonos coas aportacións das persoas activistas e as solidarias.

Por outro lado, a campaña pretende romper co silencio mediático que se está a facer co problema da vivenda: lonxe da mensaxe que se quere transmitir dende as institucións, son moitas as persoas que seguen a ser botadas das súas casas por banca e demais estafadores, coa conivencia das institucións.

Esta campaña seguirá cun concerto n’ A Gentalha do Pichel, o día 14 de novembro, e máis unha charla e sesión vermú no C.S.O.A. Escárnio e Maldizer o 13 de decembro. Tamén se están a organizar varias charlas informativas. Iremos informando destas actividades a medida que as vaiamos confirmando. Estade atent@s!

Actividades do CSA do Sar


actividades sar 2014

Este é o último cartaz de actividades do Centro Social Autoxestionado do Sar. Están tanto as que se prolongarán no tempo como as actividades especiais dun día ou finde semana. Estas terán tamén a súa propia difusión. Quedan algunhas actividades no aire por estar pendientes de confirmar, pero xa vos iremos informando.

Se queredes descarregar o arquivo para imprimir e axudarnos na distribución, é no seguinte link:

https://www.dropbox.com/s/9s6mk8whxa3uelg/actividades%20sar%202014.pdf?dl=0

O PIC, na Festa Aniversario do Mercado Entre Lusco e Fusco

1622287_343413392504628_2253612845878053700_o

Mañá martes 14, o Proxecto Integral Compostela – PIC estará na Festa Aniversario do Mercado entre lusco e fusco (parque de Belvís), cunha mesa informativa ademáis de ofertar os seus produtos en moeda social.
Deixámosvos aquí o programa enteiro do 4º aniversario do Lusco e Fusco e parabéns @s compañeir@s!

“Martes 14 de outubro, no parque de Belvís de 17 a 22 h
A MAIORES DOS NOSOS POSTOS HABITUAIS DE PRODUCTO DE HORTA, ELABORADOS, COMERCIO XUSTO E ARTESANÍAS… CONTAREMOS CON:

OBRADOIROS
– Fabricación bolas malabares e demostración. A partir das 5:30pm. Con Ethan
– Danza Africana. A partir das 6:30pm. Con Lali e percusión en directo.

ACTIVIDADES
– Encontro As Outras Educacións, Experiencias da Escola Semente de Compostela, por Sechu Sende, (profesor). EscolA Unitaria do Saltiño de Boiro por, Susana Couso (mestra), membro de Nova Escoola Galega e Experiencia Educativa inspirada na Pedagoxía Waldorf por Eva Fernández(mestra). Moderadores Angel S. Martínez de GongG, per la Defensa dels Drets Humans i dels Pobles. As 7:00pm no CIAC (Centro de Interpretacion de Compostela). En caso de chuvia, senon será no mercado.
– “Intercambio” en “Landras”, moeda social en Compostela. PIC (proxecto integral compostela).

ACTUACIONS, A partir das 8:30pm.
– Foliada.
– Escola Prucupá, escomenzando un novo ano.
– Maureen Kinnear, acompañada da súa guitarra.

Para acompañar a boa música podes consumir na Taberna – degustación cos nosos produtos. Esperamoste !!”

A casa do peixe convídavos a participar nela!

Este luns 6 de outubro hai asemblea da casa ás 20:00, e dende hoxe serán todas as semanas.

Valoraremos as actividades que xa se están a realizar de xeito continuado (os martes ás 20:00 calceta; os xoves ás 21:00 pandeireta; os domingos ás 17:00 talla de madeira) e falaremos de novas actividades por vir: talla de pedra, bioconstrucción, obradoiro e saída micolóxica…. se tedes interese por axudar na organización das actividades, tedes algunha dúbida ou idea, ou queredes  levar a cabo algun obradoiro, pasádevos os luns ás 20:00 (ou escribide un mail a: csadosar@gmail.com)

As asembleas como todas as actividades na do peixe, son abertas a tod@s

 

Comunicado de Stop Desafiuzamentos Compostela perante a brutalidade policial

Compostela, 23 de setembro do 2014.
Stop Desafiuzamentos recompilou e valorou na súa xuntanza desta semana a dimensión represiva do roubo organizado da casa da familia de Aríns, expulsada á rúa por Policía e Xulgados, e considera á luz de todas as probas testemuñais e audiovisuais que a actuación policial resultou desproporcionada, procurando unicamente a propia satisfacción e disfrute dos axentes presentes nos adros da parroquia compostelá, a través dun lamentable teatro de violencia policial.
O saldo final, con sete persoas identificadas arbitrariamente e a detención irregular da persoa responsábel da negociación coa outra parte e coa Comisión Xudicial, non esgota en si mesmo a dimensións dos feitos. Ameazas e provocacións diversas por parte dos axentes como “si te comportas como un animalito te vamos a dar palito”, “tú no eres un hombre, seguro que tienes gatillazos en la cama, yo nunca tuve un gatillazo”, “no te pases de listillo”, “si tú utilizas el arma más potente de todas que es la palabra nosotros utilizaremos nuestras armas reglamentarias”, “te la vas a cargar con 3000 euros”, así como diferentes malleiras ás solidarias presentes, moitas delas con contusións, debuxan un panorama no que o Delegado do Goberno de Galicia, Samuel Juárez, debe asumir absolutamente toda a responsabilidade.
Como é posible que detiveran e estea acusada unha das dúas persoas autorizadas polo mando policial para mediar no conflicto? As imaxes que recolleron a prensa e os medios son o suficientemente explícitas como para concluír que houbo abuso de autoridade, detención ilegal e que a determinadas autoridades e axentes policiais lles estorban os mediadores.
Ningún discurso elegante xustifica que nesta etapa de degradación dos mínimos democráticos se pretenda repetir a parte máis escura da historia. Non nos enganemos, son exactamente os mesmos discursos que os auténticos criminais de guerra utilizaron nos xuízos de Núremberg “eramos funcionarios, cumpríamos ordes”. Así Policía, Comisións Xudicias, e profesionais como cerralleiros e asistentes sociais están utilizando este tipo de afirmacións para privar á poboación dun dereito fundamental, protexido xa pola xurisprudencia da Unión Europea, como é o dereito á vivenda. A inxustiza institucionalizada en forma de roubo masivo das vivendas xustifica amplamente a desobediencia da sociedade e das funcionarias e funcionarios públicos.
A estampa do Sr. Juárez tirando as culpas fóra nunha roda de prensa, cando está a sumar en cada conflito un historial de grave brutalidade policial contra a sociedade civil resulta lamentable. A imaxe da súa Policía atacando e agredindo a cidadás desarmados que exercen resistencia pasiva á súa violencia é sobradamente coñecida por todas e todos nós. Aríns non sendo un caso illado, non deixa de ter importancia. Non queda outra: é a hora de demandar a súa dimisión inmediata ou o seu fulminante apartamento do cargo.
Stop Desafiuzamentos aproveita a oportunidade para que se eviten enganos interesados, e advirte que a loita en defensa da casa de Carlos e María aínda non rematou. Agradece ante todo a mostra de dignidade e solidariedade do conxunto do pobo compostelán, expresadas das máis diversas maneiras, que fixeron que a familia sentise a calor impagable da colectividade. É a familia a que nos pide a día de hoxe que traslademos o seu profundo agradecemento por todas as mans e corpos solidarios que seguen a loitar o seu lado na defensa da súa vivenda, e así, do dereito a un teito para todas as persoas.

Paremos o desafiuzamento da familia de María e Carlos! polo dereito á vivenda!

[STOP DESAHUCIOS COMPSOTELA] CARTAZ REDES CARLOS E MARÍAConfirmáronnos que denegaron no Xulgado de Compostela o recurso da familia de Aríns estafada por un prestamista. Polo tanto este VENRES 19 tocará enfrontármonos por vez terceira ao desafiuzamento desta familia compostelá. Eles (xulgados e Policía) tentarán que sexa o definitivo. Nós sabemos que a solidariedade e a loita poden impedir que sexa así.

A resistencia pacífica das persoas é o único xeito que temos de rematar coas inxustizas e a falta de sensibilidade xudicial e das políticas que deixan a xente sen casas e as casas sen xente

Este venres 19 ás 07.30h sairá unha caravana de carros dende o CSA do Sar (Curros Enriquez nº28, Compostela) cara Vilacova, este desaloxo ímolo parar!

Para acompañar á familia na noite anterior, o xoves algunhas persoas pasarán a noite en Arins. Se queredes e podedes ir sairase ás 23:15 da rua San Clemente, 32 ou podedes achegarvos por libre. Levade saco de durmir